ଅଧିକ ପର୍ଯ୍ୟଟକଙ୍କୁ ଆମ ରାଜ୍ୟକୁ ଆକୃଷ୍ଟ କରିବା ପାଇଁ ରେଳବାଇ କର୍ତ୍ତୃପକ୍ଷ ଏବଂ ରାଜ୍ୟ ସରକାର ପଞ୍ଚତାରକା ହୋଟେଲ ସଦୃଶ ବିଳାସପୂର୍ଣ୍ଣ ବ୍ୟବସ୍ଥା ଥିବା ରେଳଯାତ୍ରା ପାଇଁ ପ୍ରାଥମିକ ଆଲୋଚନା କରିଥିବା ଖବରକାଗଜରୁ ପଢ଼ିଲି | ଏହାଫଳରେ କୋଣାର୍କ , କୋଣାର୍କ-ପୁରୀ ବେଳାଭୂମି ; ଚାନ୍ଦିପୁର , ଦେବ୍ରିଗଡ ; ଭିତରକନିକା ଭଳି କେତୋଟି ଦର୍ଶନୀୟ ସ୍ଥାନକୁ ଅନେକ ବିତ୍ତଶାଳୀ ପର୍ଯ୍ୟଟକ ଯାଇପାରିବା ସମ୍ଭବ ହେବ | ଏହି ସ୍ଥାନମାନଙ୍କ ମଧ୍ୟରୁ କେତୋଟି ସ୍ଥାନକୁ ରେଳଯାତ୍ରା ସମ୍ଭବ ନୁହେଁ | ତେଣୁ ସେହିଭଳି ସ୍ଥାନମାନଙ୍କୁ ଯିବା ଓ ଭ୍ରମଣ କରିବା ପାଇଁ ବିଳାସପୂର୍ଣ୍ଣ ଭୋଲଭୋ ବସର ବ୍ୟବସ୍ଥା ହେବ |
ଏହି ଖବର ବାଙ୍ଗାଲୋରରେ ରହୁଥିବା ମୋ ବଡନାତି କୁ କହିଲି ଏବଂ ପଚାରିଲି , " ମନେକର ତୁମର ଜଣେ ଆମେରିକାନ ବନ୍ଧୁ ଭୁବନେଶ୍ୱର ଆସି କୋଣାର୍କ ଯିବା ପାଇଁ ଏହି ବ୍ୟବସ୍ଥା ବ୍ୟବହାର କରିବାକୁ କହିବେ | ତୁମେ କିଭଳି ବ୍ୟବସ୍ଥା କରିବ ?" ସେ କିଛି ସମୟ ଭାବି କହିଲା, " ମୋ ବନ୍ଧୁଙ୍କୁ ଭୁବନେଶ୍ବରରେ ଆମଘରୁ ଭୁବନେଶ୍ୱର ଷ୍ଟେସନକୁ ନେଇ ସେଇ ବିଳାସମୟ ଟ୍ରେନରେ ବସେଇବି ; ଟ୍ରେନରେ ସେ ପଞ୍ଚତାରକା ସୁବିଧା ଉପଭୋଗ କରିବେ ; ଖାଇବେ , ପିଇବେ ; ଟିଭି ଦେଖିବେ ; ଶୋଇବେ ; ସକାଳେ ନିତ୍ୟକର୍ମ ସାରି ବ୍ରେକଫାଷ୍ଟ ଖାଇବେ ; ସକାଳ ଦଶଟା ବେଳକୁ ଷ୍ଟେସନରୁ ଓଲ୍ହେଇ ବିଳାସପୂର୍ଣ୍ଣ ଭୋଲଭୋ ବସରେ ବସି କୋଣାର୍କ ଯିବେ ' ଫେରି ପୁଣି ସେଇ ଟ୍ରେନରେ ରାତ୍ରିଯାପନ କରି ମୋତେ ଫୋନ କରିବେ | ମୋତେ ବିଜେବି ନଗରରୁ ଷ୍ଟେସନ ପହଂଚିବାକୁ ମାତ୍ର ଦଶ ମିନିଟ ଲାଗିବ ; ତାଙ୍କୁ ଘରକୁ ନେଇଯିବି |"
ମୁଁ କହିଲି ଏମିତି ହେଲେ ବିଳାସପୂର୍ଣ୍ଣ ରେଳଯାତ୍ରା କେମିତି ହେଲା ? ସେ କହିଲା " ଯେହେତୁ ତାର ବହୁତ ପଇସା ଅଛି ଆଉ ବୁଦ୍ଧି କମ ; ସେ ଭାବିବ ସେ ରାତିରେ ଶୋଇଥିବା ବେଳେ ରେଳରେ ବହୁତ ବାଟ ଯାଇଛି ଆଉ ସକାଳେ ଗନ୍ତବ୍ୟ ରେ ପହଂଚି ବସରେ କୋଣାର୍କ ଯାଇଛି |" ମୁଁ ତା' ବୁଦ୍ଧିକୁ ପ୍ରଶଂସା କଲି |
*******
29th June, 2018
No comments:
Post a Comment