ପୁରୀ ବେଳାଭୂମିରେ ଓଟଦୌଡ; ଜିଲାପାଳଙ୍କ ଚଳଚିତ୍ର
ଅଭିନେତା ଗୋବିନ୍ଦାଙ୍କ ସହିତ ନୃତ୍ୟ ଇତ୍ୟାଦି ପାବନ ମହୋଦଧି ବାଲୁକାରେ ଦୁର୍ଭାଗ୍ୟପୂର୍ଣ୍ଣ
ବିଚ କାରନିଵାଲର ଅଂଶ ବିଶେଷ |
ଏହି ବଜାର ଉଚ୍ଛଙ୍ଖଳତା ପର୍ଯ୍ୟଟନ ଶିଳ୍ପର ଅପରିହାର୍ଯ୍ୟ
ଅଂଶ ଭାବରେ ଗ୍ରହଣ କରିବା ପାଇଁ କେତେକ ବନ୍ଧୁ ମାନଙ୍କର ଯୁକ୍ତିକୁ ମୁଁ ସମର୍ଥନ କରିବା ପାଇଁ
ଅକ୍ଷମ ହେଉଥିବାରୁ ଦୁଃଖିତ |
ହୁଏତ ପର୍ଯ୍ୟଟନ ଶିଳ୍ପ ଅଭିବୃଦ୍ଧିର ଆବଶ୍ୟକତା
ପରିପ୍ରେକ୍ଷୀରେ ବନ୍ଧୁମାନେ ମହୋଦଧି ବାଲୁକାରେ ଏହି ଆୟୋଜନ ର ଆବଶ୍ୟକତା ଅନୁଭବ କରୁଥିବେ | କିନ୍ତୁ ଏହି ଦୃଷ୍ଟିକୋଣ ପ୍ରମାଦପୂର୍ଣ ମନେହୁଏ | ଏହି ଦର୍ଶନରେ ବିଶ୍ବାସ କରୁଥିବା ପର୍ଯ୍ୟଟକ ପ୍ରେମୀମାନେ
ହୁଏତ ଆଗାମୀ ଦିନରେ ଅରୁଣ ସ୍ତମ୍ଭ ଚାରିପଟେ ଗୋବିନ୍ଦାଙ୍କ ନୃତ୍ୟ ମଧ୍ୟ ପସନ୍ଦ କରିବେ ଏବଂ
ବଡ଼ଦାଣ୍ଡରେ ଓଟଦୌଡ ମଧ୍ୟ ତାଙ୍କ ପାଇଁ ଶୋଭନୀୟ ଏବଂ ଗ୍ରହଣୀୟ ବୋଧ ହେବ |
କିନ୍ତୁ ପୁରୀର ବୈଶିଷ୍ଟ୍ୟ ଅନନ୍ୟ | ଏହି ତୀର୍ଥରେ ଜଗନ୍ନାଥ ପ୍ରେମୀ ମାନେ ପ୍ରାଥମିକ ପର୍ଯ୍ୟଟକ | ପାବନ ମହୋଦଧି କୁଳରେ ପ୍ରାର୍ଥନା କରାଯାଏ; ସୂର୍ଯ୍ୟଙ୍କୁ ନମସ୍କାର କରାଯାଏ; ଅର୍ଘ୍ୟ ଅର୍ପଣ କରାଯାଏ | ପୂର୍ବଜ ମାନଙ୍କ ପାଇଁ ତର୍ପଣ କରାଯାଏ |କୋମଳମତି ପିଲାମାନେ ଢେଉ ସାଙ୍ଗରେ ଖେଳନ୍ତି ; ଚଂଚଳ କୁନି କଙ୍କଡା ପଛରେ ଦଉଡନ୍ତି | ପରିଣତ ବୟସ୍କ ପତିପତ୍ନୀ ସାଗର ର ବିଶାଳତାରେ ପ୍ରଭୁଙ୍କ ଦର୍ଶନ କରନ୍ତି | କବି କବିତା ସୃଷ୍ଟି ପାଇଁ ପ୍ରେରଣା ପାଇଥାଏ ଏବଂ ଚିତ୍ରକାର ଉଦୟରାଗ ଏବଂ ଅସ୍ତରାଗର ଶୋଭା ତୁଳିରେ ଆଙ୍କିବା ପାଇଁ ଉଦ୍ୟମ କରେ | ଏହି ସ୍ଥାନ ସଂସ୍କୃତିର ; ଉନ୍ମାଦନା ର ନୁହେଁ ; ଏଠାରେ ଅମୃତ ପାନ କରାଯାଏ; ମଦିରା ନୁହେଁ | ଏଠି ଶୋଭନୀୟତା ଆତ୍ମପ୍ରକାଶ କରେ; ଉଗ୍ରତା ର ସ୍ଥାନ ନ ଥାଏ |
ପର୍ଯ୍ୟଟନର ପରିଭାଷା ପୁରୀରେ ସ୍ୱତନ୍ତ୍ର ; ପୁରୀ ଗୋଆ ନୁହେଁ | ଆମ ବନ୍ଧୁମାନେ ଯେଉଁ ପର୍ଯ୍ୟଟନ ଶିଳ୍ପ ସମ୍ପର୍କରେ ଉଦବିଗ୍ନ ସେମାନେ ପୁରୀ ବେଳାଭୂମିର ଅନ୍ୟ ଏକ ଅଂଶ ର ବିକାଶ ପାଇଁ ପ୍ରୟାସ କରନ୍ତୁ | ମୋ ମତରେ , ଉତ୍ତର ଦିଗରେ ବାଲିଘାଇ ପରେ ଏକ ସ୍ଥାନ ନିରୂପଣ କରି ନାଚ, ଓଟ ଦୌଡ , ଇତ୍ୟାଦି ଅପରିହାର୍ଯ୍ୟ କାର୍ଯ୍ୟକ୍ରମ କରାଯାଉ | ଆମ ନୃତ୍ୟପ୍ରିୟ ଜିଲାପାଳ ମଧ୍ୟ ଏ ଦିଗରେ ସକାରାତ୍ମକ ଭୂମିକା ଗ୍ରହଣ କରନ୍ତୁ |
(29th January, 2017)
କିନ୍ତୁ ପୁରୀର ବୈଶିଷ୍ଟ୍ୟ ଅନନ୍ୟ | ଏହି ତୀର୍ଥରେ ଜଗନ୍ନାଥ ପ୍ରେମୀ ମାନେ ପ୍ରାଥମିକ ପର୍ଯ୍ୟଟକ | ପାବନ ମହୋଦଧି କୁଳରେ ପ୍ରାର୍ଥନା କରାଯାଏ; ସୂର୍ଯ୍ୟଙ୍କୁ ନମସ୍କାର କରାଯାଏ; ଅର୍ଘ୍ୟ ଅର୍ପଣ କରାଯାଏ | ପୂର୍ବଜ ମାନଙ୍କ ପାଇଁ ତର୍ପଣ କରାଯାଏ |କୋମଳମତି ପିଲାମାନେ ଢେଉ ସାଙ୍ଗରେ ଖେଳନ୍ତି ; ଚଂଚଳ କୁନି କଙ୍କଡା ପଛରେ ଦଉଡନ୍ତି | ପରିଣତ ବୟସ୍କ ପତିପତ୍ନୀ ସାଗର ର ବିଶାଳତାରେ ପ୍ରଭୁଙ୍କ ଦର୍ଶନ କରନ୍ତି | କବି କବିତା ସୃଷ୍ଟି ପାଇଁ ପ୍ରେରଣା ପାଇଥାଏ ଏବଂ ଚିତ୍ରକାର ଉଦୟରାଗ ଏବଂ ଅସ୍ତରାଗର ଶୋଭା ତୁଳିରେ ଆଙ୍କିବା ପାଇଁ ଉଦ୍ୟମ କରେ | ଏହି ସ୍ଥାନ ସଂସ୍କୃତିର ; ଉନ୍ମାଦନା ର ନୁହେଁ ; ଏଠାରେ ଅମୃତ ପାନ କରାଯାଏ; ମଦିରା ନୁହେଁ | ଏଠି ଶୋଭନୀୟତା ଆତ୍ମପ୍ରକାଶ କରେ; ଉଗ୍ରତା ର ସ୍ଥାନ ନ ଥାଏ |
ପର୍ଯ୍ୟଟନର ପରିଭାଷା ପୁରୀରେ ସ୍ୱତନ୍ତ୍ର ; ପୁରୀ ଗୋଆ ନୁହେଁ | ଆମ ବନ୍ଧୁମାନେ ଯେଉଁ ପର୍ଯ୍ୟଟନ ଶିଳ୍ପ ସମ୍ପର୍କରେ ଉଦବିଗ୍ନ ସେମାନେ ପୁରୀ ବେଳାଭୂମିର ଅନ୍ୟ ଏକ ଅଂଶ ର ବିକାଶ ପାଇଁ ପ୍ରୟାସ କରନ୍ତୁ | ମୋ ମତରେ , ଉତ୍ତର ଦିଗରେ ବାଲିଘାଇ ପରେ ଏକ ସ୍ଥାନ ନିରୂପଣ କରି ନାଚ, ଓଟ ଦୌଡ , ଇତ୍ୟାଦି ଅପରିହାର୍ଯ୍ୟ କାର୍ଯ୍ୟକ୍ରମ କରାଯାଉ | ଆମ ନୃତ୍ୟପ୍ରିୟ ଜିଲାପାଳ ମଧ୍ୟ ଏ ଦିଗରେ ସକାରାତ୍ମକ ଭୂମିକା ଗ୍ରହଣ କରନ୍ତୁ |
(29th January, 2017)
******
No comments:
Post a Comment